11:13 Օքսֆորդի գիտնականները ուսումնասիրում են Քարահունջը | |
Սեպտեմբերին Օքսֆորդի համալսարանից մի խումբ գիտնականներ Հայաստանում ուսումնասիրելու են Քարահունջն ու շրջակա բնակավայրերը: Հայկական Քարահունջը նմանություններ ունի անգլիական Սթոնհենջի հետ։ Եվրոպայում այսպիսի շատ ուրիշ «հենջներ» կան, որոնք գիտնականների կարծիքով, ընդհանուր շատ բան ունեն: Քարահունջի ուսումնասիրությունը այդ շղթայի բացահայտման մի մասն է: «Իրենց հետաքրքիր է, որովհետեւ անունը «հենջերին» նման է։ Քարահունջը հետաքրքիր է նրանով, որ շատ նման է Սթոնհենջի կառուցվածքին, երկուսն էլ արեւադարձի օրը նայում են արեւին», - ասում է Միհրան Վարդանյանը՝ «Աստղերն ու քարերը» կոչվող այս ուսումնասիրության նախաձեռնողը։ Երեւանում ավարտելով պետական համալսարանի ֆիզիկայի ու ինֆորմատիկայի ֆակուլտետները՝ երիտասարդ գիտնականը հրավեր է ստացել Օքսֆորդից աստղաֆիզիկայի ոլորտում դոկտորական աշխատանք անելու: Քարահունջի այս նոր ուսումնասիրությամբ Միհրանն ուզում է շարունակել Պարիս Հերունու սկսած աշխատանքը, նոր մեթոդներով չափել Քարահունջի տարիքը, քննել տեղանքի յուրահատկություններն ու հայտնի դարձնել դրանք աշխարհին: Նախագծին աջակցում են Համաշխարհային աշխարհագրական ասոցիացիան ու Օքսֆորդի համալսարանը: Գիտնականների խմբում լինելու է հինգ հետազոտող Բրիտանիայից, մաթեմատիկոս Վաչագան Վահրադյանը՝ Հայաստանից ու հայաստանցի ուսանողներ: Դեռ տարիներ առաջ հայ անվանի գիտնական, աստղագետ Պարիս Հերունին պնդել եւ գիտական ապացույցներ է ներկայացրել, որոնց համաձայն հայկական Քարահունջը եւ անգլիական Սթոնհենջը կառուցվածքային նմանություններ ունեն, թեեւ անգլիական Սթոնհենջը շատ ավելի հին է։ www.azatutyun.am
| |
|
Всего комментариев: 1 | |
|