00:22 Ռազմական փորձագետ. Ադրբեջանի ղեկավարությունը չի տիրապետում բանակում տիրող իրավիճակին | |
«Դեռ մի քանի օր է անցել այն բանից, երբ Ադրբեջանի պաշտպանության հավերժ նախարար Ս. Աբիևը Բաքվում ԵԱՀԿ Մինսկի խմբի միջնորդների հետ հանդիպմանը հայտարարեց, որ Ադրբեջանը լրջորեն պատրաստվում է պատերազմի: Սակայն ինչպես ցույց տվեցին վերջին օրերին ադրբեջանական բանակում գրանցված մեծ թվով միջադեպերը, այդ ամենն ապարդյուն է»,- ասաց Ա. Հովհաննիսյանը: Փորձագետի խոսքերով, նման հայտարարություն կատարող նախարարը սովորաբար դա կատարում է այն ժամանակ երբ հաստատապես վստահ է իր բանակի մարտունակության ու հզորության վրա, սակայն ինչպես ցույց են տալիս առկա զարգացումները, այդ երկրի ղեկավարությունը չի տիրապետում ընդհանուր իրավիճակին: «Նախարարի խոսքը գետնովը չտալու համար առաջին "փառահեղ” հետախուզա-դիվերսիոն գործողությունը ադրբեջանական բանակի հատուկ ջոկատայինները իրականացրեցին փետրվարի 17-ին առավոտյան 8:30-ի սահմաններում Ջրաբերդի ուղղությամբ: Հերթական անգամ անհաջողությունների մատնվելով տվեցին վիրավորներ և անգամ զոհ: Բանակի փառավորման գործն առանց մեծ ընդմիջումի վերցրեց մեկ այլ զորամասի մի զինվոր, ով սպանել է իր ծառայակից 7 զինծառայողներին»,- նշեց Ա. Հովհաննիսյանը: Նրա խոսքերով, մեկ միջադեպը կարող է լինել պատահականություն, սակայն երկուսը, երեքը արդեն օրինաչափություն է՝ համոզմունք հայտնելով, որ Ադրբեջանի ղեկավարության գլխին բանակը դեռ շատ «սառը ցնցուղներ է լցնելու»: «2011թ. սկզբից մինչև օրս միջազգային փորձագետները, ինչպես նաև միջազգային ճգնաժամային խումբը իր զեկույցում, մի քանի անգամ շեշտեցին, որ չնայած ադրբեջանական բանակի վրա ծախսած ահռելի գումարներին, բանակում կան բազում խնդիրներ կարգապահության և այլ հարցերի հետ: Ինչպես ցույց են տալիս վերջին զարգացումները Ադրբեջանական բանակը իրոք զինվում է, սակայն դեռ պատրաստ չէ լուրջ մարտական գործողությունների իրականացման»,- եզրակացրեց փորձագետը: Panorama.am
| |
|
| |
| Всего комментариев: 0 | |
