Главная »
2011 »
ՄԱՐՏ »
4 » Թուրքերն անհանգստացած են Չինաստանի արտգործնախարարի երևանյան այցելությունից
11:12 Թուրքերն անհանգստացած են Չինաստանի արտգործնախարարի երևանյան այցելությունից |
 Թուրքերին անհանգստացրել է այն հանգամանքը, որ Չինաստանի արտգործնախարար Յան Ձիեչին փետրվարի 16-17-ը Հայաստան կատարած պաշտոնական այցի ընթացքում այցելել է Ծիծեռնակաբերդ և ծաղկեպսակ դրել Հայոց ցեղասպանության զոհերի հուշարձանին:Թուրքական Anadolu գործակալությունը Յան Ձիեչիի՝ Ծիծեռնակաբերդ այցելության առնչությամբ որոշ պարզաբանումներ ստանալու համար զանգահարել է Չինաստանի արտգործնախարարություն, որտեղ գործակալությանը տեղեկացրել են, որ «նախարարն իր այցելության ընթացքում բարեկամական հանդիպումներ է ունեցել Հայաստանի առաջնորդների հետ»։Ի պատասխան թուրքական լրատվամիջոցի այն հարցին, թե «Նախարար Յանը Երևանյան այցելության ընթացքում այցելել է 1915թ. դեպքերի առնչությամբ կառուցված հուշակոթող։ Արդյոք դա չի՞ նշանակում, որ Չինաստանը հարցի առնչությամբ փոխել է իր դիրքորոշումը», Չինաստանի արտգործնախարարության մամուլի գրասենյակի ներկայացուցիչը հայտարարել է. «Ինչպես Հայաստանը, այնպես էլ Թուրքիան Չինաստանի բարեկամ երկրներն են։ Չինաստանը գիտակցում է, որ երկու երկրների միջև առկա են պատմական խնդիրներ և երկու երկրների՝ այդ հարցերի առնչությամբ ունեցած դիրքորոշումներն արժանի են ուշադրության… Չինաստանը ուշադրություն է հրավիրում այդ հարցերին»։Իսկ Anadolu գործակալությանը տված հարցազրույցում Պեկինում Թուրքիայի դեսպան Մուրադ Էսենլին հայտարարել է, թե Չինաստանի արտգործնախարարը Ցեղասպանության հուշակոթող է այցելել հայաստանցի պաշտոնյաների պնդմամբ, իսկ հայկական որոշ լրատվամիջոցներ դա մեկնաբանել են այնպես, ինչպես իրենց է ձեռնտու։Թուրք դեսպանը նշել է, որ հարցի առնչությամբ իրենք դիմել են Չինաստանի արտգործնախարարություն, և ստացված պատասխանը վկայում է այն մասին, որ պաշտոնական Պեկինը չի փոխել իր դիրքորոշումը 1915թ. իրադարձությունների առնչությամբ։
Tert.am
|
|
Просмотров: 528 |
Добавил: hayruni88
| Рейтинг: 0.0/0 |
