ՀԱՄԱԽՄԲՈՒՄ

Epress.am-ի հետ զրույցում նման կարծիք է հայտնել իշխող Հանրապետական կուսակցության մամուլի խոսնակ Էդուարդ Շարմազանովը և ավելացրել.

«Ես բազմիցս ասել եմ, որ ընդդիմության մեջ էլ կա պայքար առաջինը լինելու համար, սա  հստակ ցույց է տալիս դա: Չնայած, որ դա Րաֆֆի Հովհաննիսյանի որոշումն է և իրավունքը, բայց ես որևէ հիմք չեմ տեսնում նման քայլի գնալու համար, քանի որ «Ժառանգություն» կուսակցությունն ունի և’ ամբիոն,’ և այլ լծակներ իրենց հուզող հարցերը բարձրացնելու համար: Սա ինձ համար առնվազն անհասկանալի էր»,- ասել է Շարմազանովը:

Նա հավելել է, որ կիսում է ՀՀՇ վարչության նախագահ Արամ Մանուկյանի այն տեսակետը, որ «Ժառանգությունը» նման ծայրահեղ քայլի գնալու հիմքեր չուներ:

«Երբ արտախորհրդարանական ուժերն են հավաքներ անում, բողոքում, դա հասկանալի է, նորմալ է, քանի որ նրանք ամբիոն չունեն և իրենց խոսքը պետք է հասցնեն ժողովրդին: Րաֆֆի Հովհաննիսյանի դեպքում պարզից էլ պարզ է, որ սա PR ակցիա է: Միգուցե, մարդը մտածում է, որ վաղվա հանրահավաքից հետո երթը կմիանա իրեն, ինքն էլ խոսք ասելու հնարավորություն կունենա, չգիտեմ»,- ասել է Շարմազանովը:

epress.am