13:20 Հայերը, ադրբեջանցիներն ու հրեաները միավորվելու են Ռուսաստանում | |
 Լիպեցկի հայկական, ադրբեջանական և հրեական համայնքները որոշել են միավորվել մեկ միջազգային հասարակական կազմակերպության մեջ, հաղորդում է gorod48.ru-ն:Ինչպես հայտնել է Ռուսաստանում Հայերի միության Լիպեցկի ներկայացուցչության ղեկավար Վլադիմիր Մալխասյանը, ազգամիջյան սերտ շփումը և հասարակական կազմակերպության ստեղծման գաղափարը ծնվել է մոտ երեք տարի առաջ: Ըստ Մալխասյանի` այսօր, երբ հասարակության մեջ ավելի ու ավելի հաճախ են անհամաձայնություններ ծագում ազգային հողի վրա, միմյանց ավելի լավ ճանաչելու, այլոց ազգային ավանդույթներին և մշակույթին ծանոթանալու անհրաժեշտություն է առաջանում: «Որոշ ժամանակ առաջ, մենք` հայերս, ադրբեջանցիներն ու հրեաները, սկսեցինք ավելի սերտ շփվել միմյանց հետ»,- ասել է նա: Մալխասյանի խոսքով`իրենք հավաքվում էինք ընտանիքներով, ազգային մշակույթի փառատոններ էին կազմակերպում, ֆուտբոլային մրցաշարեր էին անցկացնում: «Արդյունքում` հասարակական կազմակերպություն ստեղծելու գաղափար ծնվեց, այնպիսի կազմակերպություն, որի մեջ կարող էին մտնել տարբեր ազգերի ներկայացուցիչներ: Նշեմ, որ մեր գաղափարներին միշտ սատարել են Լիպեցկի քաղաքային իշխանությունները, իսկ այս անգամ որոշել է աջակցել «Ազգերի տուն» նախաձեռնությանը»,- պատմել է Մալխասյանը: Շուտով բոլոր երեք համայնքները`հայերը, ադրբեջանցիներն ու հրեաները նախատեսում են առաջին համատեղ ակցիան անցկացնել: Նրանք որոշել են ծառատունկ իրականացնել անցյալ տարի ձմռանը անտառային հրդեհներից տուժած հողատարածքներում: epress.am | |
|
| |
| Всего комментариев: 1 | |
|
| |
