02:27 Բաքվում ինստիտուտ ընդունվելու համար կաշառքի չափը 100 հազար մանաթ | |
 Ադրբեջանի Միլի մեջլիսի պատգամավոր «Անա վեթեն» կուսակցության ղեկավար Ֆազաիլ Ագամալին կոշտ քննադատության է ենթարկել բուհական ընդունելության պետական հանձնաժողովի աշխատանքները` ասելով, որ անօրինական «դասատուները» անհատների ցանց են ստեղծել, ովքեր կազմում են բուհերի ընդունելության քննությունների հարցաշարերը: Այս մասին հաղորդում է «ԱՊԱ» գործակալությունը: «Գաղտնիք չէ, որ Բաքվի պետական համալսարանի իրավաբանական ֆակուլտետ և Բժշկական ինստիտուտ ընդունվելու համար յուրաքանչյուր ուսանողից պահանջվում է 100 և 150 հազար մանաթ` համապատասխանաբար: Իսկ բուհեր ընդունվող 700, 800, 1000 ուսանողներից վերցված գումարները անցնում են միլիոնների սահմանը»,- ասել է նա: Նշենք, որ 100 հազար մանաթը, հավասար է մոտավորապես 80 հազար ԱՄՆ դոլարի: Պատգամավորը փաստում է, որ բուհերում սովորելու համար ուսանողներին ընդունող հանձնաժողովի նախագահը միշտ հայտարարում է, որ միջնակարգ դպրոցների շրջանավարտները աչքի են ընկնում իրենց անգրագիտությամբ, ապա հարց է տալիս, թե ինչպե՞ս են այդ անգրագետները ընդունվում բարձրագույն ուսումնական հաստատություններ: aysor.am | |
|
| |
| Всего комментариев: 0 | |
