19:46 Ըստ վիճակագրական ծառայության, Հայաստանից տարեկան հեռանում է 7,5 հազար մարդ | |
 Հայաստանից տարեկան արտագաղթում է միջին հաշվով 7.5 հազար մարդ։ Նման պատկեր է ստացվել Հայաստանի ազգային վիճակագրական ծառայության եւ ՄԱԿ-ի Բնակչության հիմնադրամի կողմից իրականացված ընտրանքային հետազոտության արդյունքում: Այս տեղեկությունները հրապարակել է աշխատանքի եւ սոցիալական հարցերի նախարարությունը։ Արտաքին միգրացիոն հոսքերում ընդգրկված անձանց մեջ գերակշռում են աշխատանքային միգրանտները: Ինչպես վերջին երկու տասնամյակում, այնպես էլ ներկայումս, միգրացիոն հիմնական ուղղությունը Հայաստանից ուղղված է դեպի Ռուսաստան, ԱՊՀ այլ երկրներ եւ ԱՄՆ: Արտաքին միգրացիան ուղղակիորեն ազդում է հատկապես բնակչության վերարտադրողական վարքագծի վրա: Այդ հանգամանքով պայմանավորված, անբարենպաստ փոփոխությունների են ենթարկվում հանրապետության բնակչության սեռատարիքային համամասնությունները: Մեծ է հավանականությունը, որ արտերկրում կուտակվող աշխատանքային միգրանտների որոշակի մասն ի վերջո կմնա մշտական բնակության եւ կտանի նաեւ ընտանիքը: Իսկ դա նշանակում է, որ հնարավոր են արտագաղթի նոր, ավելի ուժեղ ալիքներ։ NEWS.am | |
|
| |
| Всего комментариев: 0 | |
