16:03 Իրանն օրական 1,5 մլն լիտր վառելիք կառաքի Հայաստան | |
Իրանն օրական 1,5 միլիոն լիտր բենզին և դիզվառելիք կարտահանի Հայաստան։ Այս մասին, իրանական MEHR գործակալության փոխանցմամբ, հայտարարել է Իրանի նավթի վերամշակման և տեղաբաշխման պետական ընկերության (NIORDC) տնօրեն Ալիրզա Զեյգամին: «Ըստ ձեռք բերված համաձայնագրի՝ իրանական կողմն օրական 750 հազար լիտր բենզին և 750 հազար լիտր դիզվառելիք կարտահանի Երևան»,– հայտարարել է Զեյգամին։ Իրանական լրատվամիջոցը տեղեկացնում է նաև, որ Հայաստան–Իրան 365 կմ երկարությամբ խողովակաշարը կշահագործվի 2014 թվականին: Հիշեցնենք, որ անցած ամիս Թեհրանում ՀՀ էներգետիկայի և բնական պաշարների նախարար Արմեն Մովսիսյանի և ԻԻՀ նավթի նախարար Մասուդ Միրկազեմիի հանդիպման արդյունքում Իրան-Հայաստան նավթամուղի կառուցման վերաբերյալ համաձայնություն էր ձեռք բերվել։ Իրանի նավթի նախարարը նշել էր, որ նավթի խողովակաշարը սկիզբ կառնի Իրանի հյուսիսի-արևմտյան Թավրիզ քաղաքից և կձգվի մինչև Հայաստանի հետ սահմանը։ Tert.am | |
|
| |
| Всего комментариев: 0 | |
