Главная »
2011 »
ՓԵՏՐՎԱՐ »
7 » Հարավային Սուդանի ու Լեռնային Ղարաբաղի ընդհանրություններն ու տարբերությունները
20:34 Հարավային Սուդանի ու Լեռնային Ղարաբաղի ընդհանրություններն ու տարբերությունները |
 Սուդանի նախագահ Օմար Ալ-Բաշիրը ճանաչել է երկրի հարավի անկախության հանրաքվեն, որն անցկացվել է հունվարի 9-15-ը: Միջազգայնորեն ճանաչված Հարավային Սուդանի անցած անկախության գործընթացի մասին այսօր զրուցեցինք քաղաքական գիտությունների թեկնածու Համազասպ Դանիելյանի հետ: «Հարավային Սուդանի առանձնահատկությունը կայանում է նրանում, որ այն փաստացի երբեք էլ Սուդանի պետության մաս չի կազմել: Հարավում գտնվող ցեղախմբերը, ինչքան էլ Հյուսիսը փորձել է նրանց վրա տարածել իր իշխանությունը` նույնիսկ հազարավոր զոհերի գնով, միշտ պահպանել են իրենց անկախությունը արդեն շատ տասնամյակներ»,- «Առաջին լրատվականի» հետ զրույցում պարզաբանեց Դանիելյանը:
Անկախության հռչակման ամեն դեպք ունի իր առանձնահատուկ հատկանիշները: Ամեն դեպքում առանձնահատուկ է տեղական և միջազգային շահերի բախումը, քաղաքագետը հորդորեց չմոռանալ այս մասին, և անկախության հռչակման ամեն դեպք չհամարել նախադեպ Լեռնային Ղարաբաղի հակամարտության համար:
Այնուհանդերձ, Դանիելյանը նշեց նաև, որ կարելի է շատ զուգահեռներ տանել Լեռնային Ղարաբաղի և Հարավային Սուդանի միջև. օրինակ` երկու դեպքում էլ ունենք նավթի գործոնն ու կրոնի խնդիրը. Հարավային Սուդանի բնակչությունը քրիստոնյա է`ի տարբերություն Հյուսիսային Սուդանի, որտեղ մուսուլմաններ են ապրում:
«Սակայն կան նաև տարբերություններ. օրինակ` Սուդանի Հանրապետության նախագահը միջազգային հանրության կողմից հալածված մարդ է, իսկ Ադրբեջանի նախագահը նման բացասական իմիջ չունի, ցեղասպանություն իրականացրած առաջնորդ չէ: Սուդանի դեպքում նավթի գործոնը չխանգարեց, այլ օգնեց անկախության ճանապարհին, քանի որ նավթի պաշարները գտնվում են Հարավային Սուդանում, չնայած սահմանը դեռ հստակ չէ»,- ամփոփեց Դանիելյանը:
1in.am
|
|
Просмотров: 446 |
Добавил: hayruni88
| Рейтинг: 0.0/0 |
