23:23 Ամերիկացի փորձագետ. Լեռնային Ղարաբաղը ոչ թե «սառեցված», այլ «դանդաղ եռացող» հակամարտություն է | |
Լեռնային Ղարաբաղում վերջին մի քանի տարվա ընթացքում իրավիճակը նկատելի սրվել է. ավելի հաճախ են վիճելի տարածքում զինված բախումներ լինում հայկական եւ ադրբեջանական ուժերի միջեւ: Սակայն ոչ Հարավային Կովկասի երկրները, ոչ միջազգային հանրությունը, ներառյալ ԱՄՆ-ը, կոնկրետ քայլեր չեն ձեռնարկում խնդրի լուծման համար: Նման կարծիք են հայտնել փորձագետները` Ռազմավարական եւ միջազգային հետազոտությունների կենտրոնում կազմակերպված քննարկման ժամանակ: Ոմանք Լեռնային Ղարաբաղը համարում են ոչ թե «սառեցված», այլ «դանդաղ եռացող» հակամարտություն, գրում է «Ամերիկայի ձայնը»: «Ադրբեջանի ռազմական բյուջեի ընդլայնումը հղի է անկայունությամբ ինչպես երկարաժամկետ, այնպես էլ կարճաժամկետ հեռանակրում»,- կարծում է Ատլանտյան խորհրդի ավագ աշխատակից Յան Բժեզինսկին: Նրա խոսքով` Բաքվի այն հայտարարությունները, թե շուտով իրենց ռազմական բյուջեն կհասնի Հայաստանի բյուջեին, խոսում է այն մասին, որ ադրբեջանական իշխանությունները հակամարտության լուծումը տեսնում են ռազմական ճանապարհով: Ատլանտյան խորհրդին կից եվրասիական կենտրոնի տնօրեն, Թուրքիայում ԱՄՆ նախկին դեսպան Ռոս Ուիլսոնն իր հերթին կարծում է, որ Հայաստանի եւ Թուրքիայի միջեւ համագործակցության ամրապնդումը կնպաստի ԼՂ հիմնախնդրի լուծմանը: «Նաեւ անհրաժեշտ է ուժեղացնել Լեռնային Ղարաբաղում իրավիճակի միջազգային մոնիտորինգը, որը, փորձագետների կարծիքով, զգալիորեն թուլացել է: Հակառակ դեպքում կմեծանա հայ-ադրբեջանական հակամարտության վերսկսման հնարավորությունը»,-ասել է Ուիլսոնը: news.am | |
|
Всего комментариев: 0 | |