12:10 Աբել Աղանբեկյանը կրկին Արցախում է | |
Հանդիպման քննարկվել են հանրապետության ագրոարդյունաբերական համակարգի զարգացման հետ կապված հարցեր: Աբել Աղանբեկյանը փետրվարի 21-ին ԼՂՀ կառավարությունում հանդիպել է նաեւ հանրապետության գյուղատնտեսական ոլորտի մի մեծ խումբ պատասխանատու աշխատողների հետ եւ ներկայացրել իր նկատառումները այդ բնագավառի հետագա զարգացման վերաբերյալ,-հաղորդում է yerkir.am-ը: «Ելնելով իր կատարած ուսումնասիրություններից` ակադեմիկոս Ա. Աղանբեկյանը առաջնահերթորեն կարեւորել է անասնաբուծության ասպարեզում բարեփոխումներ կատարելու անհրաժեշտությունը: Նրա հիմնավորմամբ` հարկ է կազմակերպել կաթնապրանքնային խոշոր տնտեսություններ, ինչի շնորհիվ առաջիկա տարիներին մեծապես կաճի կաթի եւ մսի արտադրությունը: Գիտնականը լավ ներուժ է տեսնում նաեւ բուսաբուծության եւ ձկնաբուծության զարգացման համար: Բանախոսի փաստարկմամբ` անհրաժեշտ է բարեփոխել հողային օրենսգիրքը` խստացնելով վարելահողերի մշակման պահանջը»,-նշվում է կառավարության աշխատակազմի տեղեկատվության եւ հասարակայնության հետ կապերի վարչության տարածած տեղեկատվության մեջ: Աբել Աղանբեկյանը ԽՍՀՄ Գիտությունների ակադեմիայի ակադեմիկոս է դարձել 1974թ., խորհրդային վերակառուցման շրջանում եղել է Միխայիլ Գորբաչևի տնտեսական հարցերով խորհրդականը: 1987թ. նոյեմբերին Ֆրանսիա կատարած այցի ժամանակ, ֆրանսիական հեղինակավոր թերթերից մեկին տրված հարցազրույցում Աղանբեկյանն ասել է. "Որպես տնտեսագետ, ես կարծում եմ, որ Ղարաբաղն ավելի շատ կապված է Հայաստանին, քան Ադրբեջանին”: Այս հայտարարությունը մեծ իրարանցում առաջացրեց ոչ միայն ԽՍՀՄ-ում: Աբել Աղանբեկյանը համարվում է Ռուսաստանի մի շարք շրջանների զարգացման հայեցակարգերի հեղինակ: Դրանց մեջ կարևոր տեղ են զբաղեցնում Տյումենի, Խանտի-Մանսիսյկի, Յամալա-Նենեցական մարզերի նավթագազային սեկտորներիի զարգացման ծրագրերը: Հատկապես վերջին տարիներին Աղանբեկյանը սերտորեն կապված է Հայաստանի և Արցախի հետ: Արցախի տնտեսության զարգացման խորհուրդներով գիտնականը Ստեփանակերտում հաճախ էլինում, ինչպես նաև դասախոսություններ է կարդում Երևանի կորպորատիվ կառավարման բարձրագույն դպրոցում: ArtsakhNews | |
|
| |
| Всего комментариев: 0 | |
