13:54 ՄՈՆԹԵՆ ԱՆՄԱՀ Է | |
Այսօր կլրանար հերոս հայորդի,լեգենդար զորավար ` Մոնթե Մելքոնյանի 53-րդ տարեդարձը: Մոնթե Չարլզի Մելքոնյանը ծնվել է 1957 թվականի, նույն այս օրը` ԱՄՆ-ի Կալիֆոռնիա նահանգի Վայսելիա քաղաքում:Ավարտել էր Բերլիի համալսարանի հնագիտության ֆակուլտետը,տիրապետում էր 7 լեզուների: 1978 թվականին նա մեկնում է Լիբանան և իր մասնակցությունն է ունենում հայկական թաղամասերի պաշտպանությանը:Մոնթեն 1980 թվականին անդամակցում է ՀԱՀԳԲ-ին (ԱՍԱԼԱ),անցնում զինվորական պատրաստություն,մասնակցում զինված գործողությունների `Աթենքում,Հռոմում և այլուր:Կարճ ժամանակում նա դառնում է ՀԱՀԳԲ-ի գաղափարախոսը:Կազմակերպել և նախապատրաստել է<<Վան>> գործողությունը: (1981 թվականի սեպտեմբերին,որի ժամանակ 4 հայորդիներ գրավել էին Փարիզի թուրքական դեսպանատունը):1985 թվականի նոյեմբերին Մոնթեն ձերբակալվում է Փարիզում `կեղծ անձնագրի և ապօրինի զենք կրելու մեղադրանքով:Նրան դատապարտում են 6 տարվա ազատազրկման:1989 թվականին ազատվելով բանտից ,Մոնթեին վտարվում է Եմեն:Երկար դեգերումներից հետո Մոնթեն վերջապես մտնում է Հայաստան,որտեղ արդեն սկսվել էր Արցախյան հերոսամարտը:1991-ից սկսած տարբեր վայրերում,տարբեր ջոկատների հետ մասնակցում է հայկական սահմանների պաշպանությանը:1992 թվականից Մոնթեն նշանակվում է Մարտունու շրջանի զորահրամանատար:Հանձինս նրա անձնազոհության ,նվիրվածության ու զորավարի հմտության Մարտունու շրջանը կարճ ժամանակում դառնում է ամենաամուր ընկույզը ողջ արցախում: Արցախում նա ընտրում էԱվո մականունը:Իր հայրենասիրության և հերոսության շնորհիվ նա նվաճում է Արցախի բնակչության սերն ու հարգանքը: 1993 թվականի հունիսի 12-ին Մոնթեն հինգ զինակիցների հետ Մարզլու գյուղի մոտ անակնկալ հանդիպում էն ադրբեջանական զրահամեքենայի: Սկսվում է փոխհրաձգություն ,որի ընթացքում գլխի մասում ստացած վնասվածքից Մոնթեն զոհվում է: Հետմահու արժանացել է <<Արցախի հերոս>> և Հ.Հ. <<Ազգային հերոս>> կոչումների: Սա էր հերոս հայորդու կյանքի պատմությունը: Կյանք ,որը նա նվիրաբերեց համայն հայության իրավունքների, ցեղասպանության ճանաչման և պատմական հայաստանի սահմանների վերատիրման գործին: <<Հայրունի Պահանջատիրական Համախմբում>>-ը սիրով և մեծ կորստի ցավով միանում է բոլոր այն մարդկանց , որոնք այսօր պիտի լինեն Եռաբլուրում`այցելելու և իրենց հարգանքի տուրքը մատուցելու հերոս զորավարի շիրիմին:Հավերժ փառք քեզ `մանկան պես ազնիվ ու մաքուր,և միևնույն ժամանակ խստապահանջ զորավար:Քո անունը հավերժ է մեր սրտերում ու մեր մանկանց հուշերում: PAHANJATER.DO.am | |
|
Всего комментариев: 0 | |