Главная »
2010 » ՀՈՒԼԻՍ » 15 » Հայ ֆուտբոլասերների համար արհեստական խոչընդոտներ են ստեղծվում
18:34 Հայ ֆուտբոլասերների համար արհեստական խոչընդոտներ են ստեղծվում |
Շուրջ
երեք տարի է, ինչ հայ ֆուտբոլասերներից կազմված Առաջին Հայկական Ճակատ
(First Armenian Front) շարժումը ակտիվորեն աջակցում է Հայաստանի
ֆուտբոլի բոլոր տարիքային հավաքականներին և հայկական ֆուտբոլային
ակումբներին միջազգային մրցաշարերում: Կարծում ենք, որ այս երեք տարիների
ընթացքում կարողացել ենք մեր փոքր ներդրումը ունենալ Հայաստանում
ֆուտբոլային երկրպագման մշակույթի ձևավորման գործում: Սակայն վերջին
ժամանակներում FAF-ի առաջ անբացատրելի պատճառներով ստեղծվում են
արհեստական խոչընդոտներ:
Սույն թվականի հուլիսի 8-ին
Երևանի Վազգեն Սարգսյանի անվան «Հանրապետական» մարզադաշտում հերթական տհաճ
միջադեպը տեղի ունեցավ FAF-ի հետ: Եվրալիգայի "Բանանց” – "Անորտոսիս”
պատասխան հանդիպման առաջին խաղակեսի ավարտից մի քանի րոպե առաջ տեղի
ունեցավ ընդհարում FAF երկրպագուների շարժման և ոստիկանության միջև, որի
վերաբերյալ FAF-ը հարկ է համարում տալ պարզաբանում:
Հանդիպման 41-րդ
րոպեին մարզադաշտում մինչ այդ "Բանանցին” ակտիվորեն աջակցող FAF շարժման
անդամներից առանց օրինական հիմնավորման պահանջվեց հանել շարժման անվան
(FIRST ARMENIAN FRONT) և խրախուսական բովանդակությամբ (GO ARMENIA)
պաստառները: Շարժման անդամների բոլոր հարցերը և իրավիճակի պարզաբանման
փորձերը որոշ` առավել ագրեսիվ տրամադրված ոստիկանների կողմից հանդիպեցին
ագրեսիվ և անպարկեշտ արձագանքի, ինչի հետևանքով կրքերը ծայրաստիճան
շիկացան: Հնարավոր անցանկալի հետևանքներից խուսափելու համար, ինչպես նաև
երկրպագման քաղաքակիրթ հնարավորությունից զրկված լինելու պատճառով, մենք`
FAF շարժման անդամներս, խաղի ընդմիջումից անմիջապես հետո հրապարակայնորեն
մեր աջակցությունը հայտնեցինք դաշտ վերադարձած "Բանանցի” ֆուտբոլիստներին,
որից հետո լքեցինք մարզադաշտը:
Ստեղծված իրավիճակը հաշվի
առնելով` FAF ֆուտբոլասերների շարժումը հայտարարում է, որ մեր շարժման
նկատմամբ անբարեհաճ վերաբերմունքի, ինչպես նաև ելնելով անվտանգության
նկատառումներից` 2010թ.-ի եվրագավաթների մնացած հանդիպումների ընթացքում
FAF-ը այլևս չի հաճախելու մարզադաշտ և այնտեղ չի երկրպագելու հայկական
ֆուտբոլային ակումբներին: Այնուամենայնիվ FAF ֆուտբոլասերների շարժումը
շարունակելու է աջակցել ինչպես Հայաստանի տարբեր տարիքային
հավաքականներին, այնպես էլ հայկական ակումբներին միջազգային հանդիպումների
ժամանակ` ի փառս հայկական ֆուտբոլի և ապագա հաղթանակների…
Միևնույն
ժամանակ կոչ ենք անում FAF անդամ չհանդիսացող հայ ֆուտբոլասերներին ներկա
գտնվել մեր ակումբների հետագա հանդիպումներին և աջակցել նրանց, քանի որ
մեր համոզմամբ FAF անդամ չհանդիսացող հայ ֆուտբոլասերների անվտանգությանը
և պատվին ոչինչ չի սպառնում:
FAF ֆուտբոլասերների շարժում
|
|
|
Просмотров: 809 |
Добавил: ArUn
| Рейтинг: 0.0/0 |
