23:59 «WikeLeaks»-ը բացահայտել է Դինքի մտահոգությունները. 60.000 հայ Թուրքիայում դիտվում է որպես երկրորդ դասի քաղաքացի | |
Մասնավորապես հայտնի է դարձել, որ 2007 թվականին հունվարի 30-ին Ստամբուլում ԱՄՆ-ի այդ ժամանակվա գլխավոր հյուպատոս Դեբորահ Ջոնսը Վաշինգտոն է հեռագրել Հրանտ Դինքի և ԱՄՆ ներկայացուցիչների միջև տեղի ունեցած հանդիպման մասին: «Հունվարի 19-ի սպանությանը զոհ դարձած իրավապաշտպան Հրանտ Դինքի ողբերգական մահը Թուրքիայի համար վիթխարի կորուստ էր: Դեսպանատան և հյուպատոսարանի աշխատակիցները Դինքի հետ հաճախակի շփման մեջ էին: Այդ հանդիպումներից վերջինը տեղի ունեցավ 2006-ի նոյեմբերի 14-ին: Դինքը հանդիպեց աշխարհում կրոնական ազատության հարցերով զբաղվող ամերիկյան հանձնաժողովի հետ: Պատասխանեց հանձնաժողովի անդամների հղած որոշ հարցերի,- տեղեկացրել է Ջոնսն իր հեռագրում: -Դինքի սպանության տեսանկյունից հատկապես ուշագրավ է Դինքի հետևյալ խոսքը. «Պատմությունից եկող բացասական հուշերն իրականում ոչ թե կրոնից, այլ ավելի շատ ազգայնականությունից են բխում»: Թուրքիայում դավանանքի ազատության և փոքրամասնությունների հարցին անդրադառնալիս` Դինքը հանձնաժողովի անդամների ասել է. «Թվում է, թե կրոնական ազատություն կա. սահմանափակված չեն եկեղեցիները, տաճարները և դպրոցները: Բայց սա մի տեսակ ապակողմնորոշող ազատություն է: Տեսականորեն այսպես է` թռիչքի մեջ ազատ եղող թռչնի պես է, բայց` թևակոտոր: Ես դեմ եմ, որ ազգային փոքրամասնություններին այստեղ դիտում են որպես կրոնական փոքրամասնություն: Հայերն այս հողում 4.000 տարի ապրում են: Ցավոք, այժմ նրանց կարգավիճակն իջեցված է մինչև կրոնական փոքրամասնության աստիճանի: Սա անընդունելի է: Թուրքիան աշխարհիկ է և մեծամասնություն կազմող իր թուրք հանրությանը չի դիտում որպես կրոնական համայնք, մինչդեռ փոքրամասնական հանրույթներին համարում է կրոնական խմբեր: Այս հանգամանքը խնդրահարույց է: Թուրքիայի Հանրապետության հռչակումից ի վեր Թուրքիան ազգային փոքրամասնություններին երբեք չի դիտել որպես սեփական քաղաքացիներ` չնայած Լոզանի պայմանագրով և սահմանադրությամբ բոլոր քաղաքացիները հավասարազոր պետք է լինեին: 60.000 հայերի այստեղ շարունակում են դիտել որպես երկրորդ դասի քաղաքացիներ: Պետությունը նրանց վերաբերվում էր իբրև անվտանգության սպառնալիք, բայց այսօր արդեն հայերի թիվն այնքան է նվազել, որ այդպիսի սպառնալի այլևս չեն համարվում: Թուրքիան փորձում է այս դրությունն իր օգտին ծառայեցնել: Անգամ այսօր հայկական համայնքն իրավազուրկ է» Panorama.am
| |
|
| |
| Всего комментариев: 1 | ||||||
| ||||||
