18:07 ՊՆ. Հակառակորդին մարտունակությամբ կարելի է գերազանցել միայն գերազանց ծառայությամբ | |
Այսօր պաշտպանության նախարար Սեյրան Օհանյանը հանդիպել է ԵՊՀ շրջանավարտ զորակոչիկներին: Հանդիպման ընթացքում քննարկվել է հարցերի լայն շրջանակ` նախազորակոչային պատրաստությունից մինչև զորացրումից հետո քաղաքացիական կյանքում ինտեգրվելու խնդիրը: Պատասխանելով զորակոչիկների հարցերին` Ս.Օհանյանը նշեց, որ զինվորական ծառայության ընթացքում երիտասարդները ձեռք են բերում կամային բարձր հատկանիշներ ու գիտելիքներ, որոնք օգտակար են քաղաքացիական կյանքում նրանց հետագա հաջողությունների համար: Պաշտպանության նախարարը նշեց, որ նախազորակոչային շրջանում անհրաժեշտ է համապատասխան աշխատանք տանել, որպեսզի զորակոչիկները հասարակությունից բանակ բերեն միայն դրականը: Կարևորելով մարտունակությամբ հակառակորդին գերազանցելու սկզբունքը` Ս.Օհանյանը նշեց, որ այն հնարավոր է ապահովել միայն գերազանց ծառայությամբ: Զորակոչիկներին մաղթելով բարի ծառայություն` ՀՀ պաշտպանության նախարարը նշեց, որ նրանց ծառայությամբ է պայմանավորված մեր հայրենիքի անվտանգությունն ու խաղաղությունը: Աղբյուր` Panorama.am | |
|
Всего комментариев: 0 | |