14:27 Հիլարի Քլինթոնը շնորհավորում է Հայաստանի Անկախության տոնը | |
«Նախագահ Օբամայի եւ Միացյալ Նահանգների ժողովրդի անունից շնորհավորում եմ Հայաստանի ժողովրդին սեպտեմբերի 21-ին, երբ դուք տոնում եք ձեր Անկախության օրը», - ասված է տոնի կապակցությամբ պետքարտուղարի հրապարակած հայտարարությունում: «Ես անձամբ ճաշակեցի հայ ժողովրդի հյուրասիրությունը, երբ այս տարի ավելի վաղ այցելել էի Երեւան: Ես պատիվ ունեցա հուլիսի 4-ը` մեր ազգային Անկախության օրը, անցկացնել Հայաստանում, եւ ես հպարտ եմ ձեր Անկախության տոնակատարության ժամանակ հիշատակել Հայաստանի հարուստ մշակույթը եւ բազմաթիվ ձեռքբերումները», - հայտարարել է Հիլարի Քլինթոնը: «Ամերիկահայերը տարիների ընթացքում մեծ ներդրում են ունեցել Միացյալ Նահանգներում` խորացնելով երկու երկրների միջեւ բարկամական կապերը եւ համակրանքը: Մենք նվիրված ենք մեր համագործակցության ընդլայնմանը եւ մեր բոլոր քաղաքացիների համար խոստումնալից ապագայի կերտմանը: Մաղթում եմ Հայաստանի ժողովրդին անվտանգ եւ երջանիկ Անկախության օր, խաղաղություն եւ բարգավաճում գալիք տարում», - ամփոփել է իր ուղերձը ԱՄՆ-ի պետքարտուղարը: azatutyun.am
| |
|
| |
| Всего комментариев: 0 | |
