11:28 Հատուկ ադրբեջանական լրատվամիջոցների համար. Աշոտ Դանիելյանը ծնվել, մեծացել, մարզվել է Ստեփանակերտում | |
http://www.sambo.am/show_video2.php?type=44<> Հայաստանի սամբոյի ֆեդերացիան տարածել է հաղորդագրություն, որում ասվում է. «Ինչպես հաղորդել էինք նախօրոք, Ղազախստանի Ուրալսկ քաղաքում օգոստոսի 13-ից 16-ն անցկացված` Ղազախստանի Հանրապետության նախագահ Նուրսուլթան Նազարբաևի մրցանակների սամբոյի միջազգային մրցաշարի 74 կգ քաշային կարգում հաղթող էր ճանաչվել հայ մարզիկ, ստեփանակերտցի Աշոտ Դանիելյանը: Օրերս ադրբեջանական կայքերում հայտնվեց «Մերկացված է հայկական ԶԼՄ-ների հերթական կեղծարարությունը» բարձրագոչ վերնագրով հաղորդագրություն, ուր նշված էր, թե Ղազախստանում Ադրբեջանի դեսպանատունը հետաքննություն է անցկացրել և Ղազախստանի տուրիզմի և սպորտի նախարարությունից պարզել, որ Ա. Դանիելյանը ներկայացրել է Հայաստանի Հանրապետությունը և հանդես եկել Հայաստանի դրոշի ներքո: Այս առիթով Հայաստանի սամբոյի ֆեդերացիան հաստատում է, որ Աշոտ Դանիելյանը հանդես է եկել ՀՀ դրոշի ներքո, ներկայացրել է Հայաստանի Հանրապետությունը, նաև` ևս մեկ անգամ հայտարարում, որ Նազարբաևի մրցաշարում ոսկե մեդալի արժանացած մարզիկը, ով, ի դեպ, այս տարի նվաճել է նաև Մարտական սամբոյի Եվրոպայի չեմպիոնի կոչումը, ծնվել, մեծացել, մարզվել է Լեռնային Ղարաբաղի Հանրապետության մայրաքաղաք Ստեփանակերտում»: Հատուկ ադրբեջանական լրատվամիջոցների համար ևս մեկ հիշեցում: 1993 թվականին Ռուսաստանի Դաշնության Կստովո քաղաքում անցկացված սամբոյի աշխարհի և Իտալիայի Թուրին քաղաքում տեղի ունեցած սամբոյի եվրոպայի առաջնություններում Լեռնային Ղարաբաղի Հանրապետությունը մասնակցել է առանձին թիմով և ի պատիվ արցախցի մարզիկների 14 անգամ բարձրացվել է ԼՂՀ պետական դրոշը»: Աշոտ Դանիելյանի եզրափակիչ գոտեմարտը և պարգևատրման արարողության տեսանյութը կարելի է դիտել այստեղ։ Tert.am | |
|
Всего комментариев: 0 | |