10:30 Էրդողանը սկսել է շոուն. Աղթամարի բացումը հանդուրժողականության արտահայտություն է | |
Թուրքիայի վարչապետ Ռեջեփ Թայիփ Էրդողանը հայտարարել է, թե Աղթամարի Ս. Խաչում տարվա մեջ մեկ անգամ պատարագ անցկացնելու թույլտվությունը վկայում է Թուրքիայի կողմից այլ կրոնների նկատմամբ հանդուրժողականության մասին: Թուրքական Zaman-ի փոխանցմամբ` Ստամբուլում անցկացված թյուրքալեզու երկրների 10-րդ համաժողովից հետո մամուլի ասուլիսով են հանդես եկել Թուրքիայի վարչապետը եւ Ադրբեջանի նախագահը: Մամուլի ասուլիսի ժամանակ ադրբեջանցի մի լրագրող հետաքրքվել է Աղթամարի եկեղեցիով, որին էրդողանը հետեւյալ կերպ է պատասխանել. «Աղթամարի եկեղեցին վերանորոգումից հետո, տարին մեկ անգամ պատարագ անցկացնելու թույլտվությունը ցույց է տալիս Թուրքիայի հայացքն աշխարհի նկատմամբ: Այսինք, իրենք իրենց երկրներում մեզ ինչպես են նայում եւ մենք ինչպես ենք նայում: Մեր երկրում հայազգի քաղաքացիներ կան: Ինչպե՞ս է մեր տեսակետը նրանց հոգեւոր հուշարձանների եւ տաճարների նկատմամբ, եւ նրանցն ինչպես է: Մինչ մեր իշխանության գալը, նման բան չի եղել: Առաջին անգամ մենք ենք դա նախաձեռնել, վերանորոգել եւ թույլ տվել տարին մեկ անգամ պատարագ անցկացնել: Ինչպես Սումելա վանքում: Դա` թուրքի հանդուրժողականության արտահայտությունն է»: Ըստ Էրդողանի` Թուրքիան իրավունք ունի նույն հանդուժողականությունը սպասել աշխարհի տարբեր կրոնների ներկայացուցիչներից: «Հուսով ենք, որ նրանք էլ նույն մոտեցումը, հանդուրժողականությունը մեր նկատմամբ ցույց կտան, եւ մեր այս արածներն անպատասխան չեն մնա: Մեն հավատում ենք դրան: Մենք մի ասացվածք ունենք. «Լավություն արա, գցի ծովը, ձուկը չիմանա էլ, Աստված կիմանա»: Մենք դա արեցինք: Այդ խնդրում ցույց տվեցինք մեր հանդուրժողականությունը: Հուսով եմ, որ նրանք էլ դա կհասկանան»-ամփոփել է Թուրքիայի վարչապետը: NEWS.AM | |
|
Всего комментариев: 0 | |