03:52 Վրացական ընդդիմադիր կուսակցությունը նոր գրասենյակ է բացել Ջավախքում | |
 Մոտ օրերս Վրաստանում ընդդիմադիր «Ազգային կոմիտե» կուսակցությունը Ախալցխայում պաշտոնապես կբացի իր տարածաշրջանային գրասենյակը: Ընդդիմադիր կուսակցության գրասենյակն Ախալցխայում կփորձի խորհրդարանական ընտրություններից մեկ տարի առաջ փոփոխություններ մտցնել հասարակական տրամադրություններում, հայտնում է վրացական «Սամխրեթիս Կարիբջե» պարբերականը:«Իշխանությունների փոփոխումը ծրագրվում է միայն ընտրություններով: Գոյություն ունեն կուսակցություններ, որոնք այլ ձեւերով են գործում, եւ ոչ բոլոր են մեր ձեւը կիրառում»,-հայտնել է Սամցխե-Ջավախքի տարծաշրջանային կազմակերպության ղեկավար Օլեգ Սանդրոշվիլին: Ինչպես հայտնել է կուսակցության առաջնորդը, Սամցխե-Ջավախքում բոլորը պետք է նկատի ունենան որ մեկ ձայնն էլ էական նշանակություն ունի եւ մասնակցեն ընտրություններին: «Բազմաթիվ դեպքեր են եղել, երբ մեկ ձայնը կարեւոր փոփոխություն է մտցրել ընտրություններում: Բոլորս համախմբվելով պետք է գնանք դեպի ճիշտ ընտրության եւ որոշենք մեն երեխաների հետագա ճակատագիրը»,-հայտնել է նա: Հիշեցնենք, որ Վրաստանում խորհրդարանական ընտրությունները նշանակված են 2012 թվականին: Հիմնականում հայերով բնակեցված Ջավախքում վրացական կուսակցությունները միշտ էլ պայքար են մղում հայ ընտրողի քվեն ստանալու համար: Սակայն, սովորաբար, Ջավախքի բնակչությունն իր ձայնը տալիս է իշխող կուսակցությանը: NEWS.am | |
|
| |
| Всего комментариев: 0 | |
