20:10 Թուրքի մեկնաբանություն. «Եկեղեցում հայերեն երգելուց` պատերը փլվում են, մոմից` սևանում» | |
Ինչպես պատմեց Կ. Տոնոյանը, իրենք Թուրքիայից վրդովված ու վիրավորված են վերադարձել: Մասնավորեցնելով խոսքը` նա նկատեց, որ Վանի Սուրբ Խաչ եկեղեցում իրենց ծխեցրած խունկը ոտքով հանգցրել է թուրք ոստիկանը: Նրա կարծիքով, այդ քայլով ապացուցվեց` եղեռնը դեռ շարունակվում է: Կ. Տոնոյանի խոսքերով, նրանց արգելվել է նաև երգել Ախթամարում և Անիում: Թուրքական կողմի ներկայացուցիչներն արգելքը պատճառաբանել են նրանով, թե երգելուց եկեղեցիների պատերը փլվում են, իսկ մոմից` սևանում: Ըստ նրա` Վանի Սուրբ խաչ եկեղեցում երեխաները սկսել են երգել «Տեր ողորմյա» երգը, որից հետո թուրք ոստիկանը «հարձակվել է» տեսախցիկի վրա` արգելելով երգել ու նկարահանել: Թուրքական կողմի այսպիսի վերաբերմունքի համար, սակայն, հեռուստախաղի ղեկավարությունն իր կարծիքն ու մեկնաբանությունն ունի. «Մինչ օրս թուրքերը վախենում են հայերից: Վախենում են տիրոջից, իսկ տերը մենք ենք»: Վերջում Կ. Տոնոյանը խորհուրդ տվեց, կոչ արեց բոլորին գնալ հայրենիք ու այն չթողնել ուրիշին: Աղբյուր` Panorama.am | |
|
| |
| Всего комментариев: 0 | |
