21:08 Սերժ Սարգսյանը փոփոխություններ է խոստանում ոստիկանությունում, հարկայինում եւ դատաիրավական համակարգում | |
 Նոր զարգացումներ են լինելու ոստիկանությունում, դատաիրավական, հարկային-մաքսային համակարգերում։ Այդ մասին այսօր՝ մարտի 12-ին Ծաղկաձորում ասել է Հայաստանի նախագահ Սերժ Սարգսյանը։«Այս փոփոխություններն ի վերջո կբերեն նրան, որ քաղաքական մեծ կամպանիաների ժամանակ, ընտրությունների ժամանակ ժողովուրդը կկարողանա կողմնորոշվել՝ ում է քվե տալիս։ Ես վստահ եմ, որ մեր երկրում զարգացումները լինելու են շարունակական, տեւական, եւ այս զարգացման արդյունքում ունենալու ենք ժողովրդավար երկիր»,- հավելել է Սերժ Սարգսյանը Հանրապետության նախագահը խոստովանել է, որ փոփոխությունները միշտ խնդրահարույց եւ ցավոտ են լինում։ «Ցանկացած քաղաքական ուժ փորձում է այդ խնդիրները ծառայեցնել իր նպատակներին, բայց մեր նպատակին հասնելու ճանապարհին լինելու ենք հաստատակամ»,- խոստացել է Սերժ Սարգսյանը։ Նախագահն ասաց նաեւ, որ շատ օրինաչափ է, երբ մարդիկ փոփոխություններ են ուզում, եւ նաեւ օրինաչափ է իշխանությունների ցանկությունը՝ արագացնել այդ փոփոխությունները։ Նա որպես փոփոխությունների դրական օրինակ ընգծեց կենսաթոշակային բարեփոխումները, որը հնարավորություն կտա տնտեսել միլիարդավոր դրամներ՝ ուղղելով այդ միջոցները սոցիալական այլ ծրագրերի։ news.am | |
|
| |
| Всего комментариев: 0 | |
