16:41 Ոստիկանապետ. Հովհաննես Թամամյանը վերցված է կադրերի տրամադրության տակ՝ քննությանը չխոչընդոտելու համար | |
 Ոստիկանության քրեական հետախուզության գլխավոր վարչության նախկին պետ Հովհաննես Թամամյանը վերցված է կադրերի տրամադրության տակ՝ քննությանը չխոչընդոտելու համար: Այսօր՝ մարտի 10-ին կառավարության դիմաց լրագրողների հետ զրույցում ասել է Հայաստանի ոստիկանապետ Ալիկ Սարգսյանը, անդրադառնալով Հ. Թամամյանի աշխատանքից ազատմանը: «Նրա անմեղության կանխավարկածը կա եւ կլինի մինչեւ վերջին պահը: Նա ոստիկանության գեներալ ա եւ էս պահին ազատված ա աշխատանքից, վերցված կադրերի տրամադրության տակ քննությանը չխոչընդոտելու համար»,-ասել է Սարգսյանն ու հավելել. «Հատուկ քննչական ծառայությունն այս պահին քննություն է կատարում կոնկրետ քրեական գործի շրջանակներում: Ես նրան մեղադրել այս պահին իրավունք չունեմ: Նույնիսկ եթե անմեղության կանխավարկածն էլ հաշվի չառնեմ, նա իմ աշխատանքային ընկերն ա եղել, աշխատել ենք: Իինչի մասին որ խոսվում է, էս պահին քրեական գործի շրջանակներում է, որից ես բացառապես տեղյակ չեմ: Դա իմ համար անհասկանալի պատմություն է: Քննությունը կապացուցի, կհայատարարի արդյունքները, ես ինքս կմեղադրեմ, եթե մեղավոր լինի»,-խոստացել է Ալիկ Սարգսյանը: Հիշեցնենք, որ Թամամյանին եւ ոստիկանության Արաբկիրի բաժնի պետ Վ.Ադամյանին ազատել են գլխավոր դատախազի միջնորդության հիման վրա՝ «հետագա պաշտոնավարման աննպատակահարմարության» հիմնավորմամբ: Մամուլի տեղեկությունների համաձայն, նրանց աշխատանքից ազատել են կոնկրետ ինչ-որ քրեական գործի շրջանակներում ոչ օբյեկտիվ քննություն իրականացնելու համար: news.am | |
|
| |
| Всего комментариев: 0 | |
