09:58 Իրանում ծեծել և ձերբակալել են 14-ամյա հայուհուն | |
Իրանում Բասիջի ներկայացուցիչները (Իսլամական հեղափոխության պահապանների կորպուսին կից երկրի ներքին անվտանգությունն ապահովող մարմին) անցած ուրբաթ ծեծել և ձերբակալել են 14-ամյա մի հայուհու։Ncr-iran.org-ի փոխանցմամբ՝ դեպքը տեղի է ունեցել առավոտյան Սպահան քաղաքում։ Իրանաբնակ հայուհին, ում անունը չի նշվում, զբոսնել է Նազար փողոցով, երբ նրան են մոտեցել Բասիջի գործակալները։ Վերջիններս աղջկան մեղադրել են ոչ պատշաճ հագնվելու համար և ծեծել ու ձերբակալել են նրան։ Աղջիկը դիմադրություն է ցույց տվել Բասիջի գործակալներին։ Մոտակայքում գտնվող երիտասարդները փորձել են աղջկան խլել գործակալների ձեռքից, սակայն դեպքի վայր են ժամանել անվտանգության նոր ուժեր, ցրել են հավաքված երիտասարդներին, ծեծել և ձերբակալել են 14–ամյա հայուհուն։ Դեպքի հետ կապված այլ մանրամասներ առայժմ չեն հաղորդվում։ Tert.am | |
|
Всего комментариев: 0 | |