03:16 Ֆրանսիացի քաղաքապետը դատապարտել է նախագահ Սարկոզիին Հայոց ցեղասպանության հարցում երկերեսանիության համար | |
 Կլամարի քաղաքապետ, Իլ-դե-Ֆրանսի եվրոպական եւ միջազգային գործերով տարածաշրջանային խորհրդի փոխնախագահ Ֆիլիպ Կալտենբախը դատապարտել է նախագահ Սարկոզիին Հայոց ցեղասպանության ժխտման համար քրեական պատասխանատվության ենթարկելու օրինագծի հարցում երկերեսանիություն ցուցաբերելու համար, գրում է Nouvelles d`Arménie-ն: Ֆիլիպ Կալտենբախը հայտարարել է. «Պետության ղեկավարի դիրքորոշման նման փոփոխությունը նման լուրջ հարցի նկատմամբ, ինչպիսին է մարդկության դեմ կատարած հանցագործությունը, անթույլատրելի է: Քարոզարշավի ժամանակ թեկնածու Սարկոզին պարտավորություն էր վերցրել, իսկ մեկ ամիս անց նախագահ Սարկոզին նահանջեց»: Ըստ Կալտենբախի, այս իրավիճակն անտանելի է դառնում: «Ժխտողների խմբերն ավելի թունավոր են դառնում: Չափազանց կարեւոր է, որ Սենատը քննարկի այդ տեքստը: Մենք այլեւս չենք կարող հանդուրժել, որ հանրապետության տարածքում մարդիկ անպատիժ ժխտեն նման բարբարոսությունը»: Նշենք, որ 2006թ. հոկտեմբերի 12-ին Ֆրանսիայի Ազգային ժողովը ընդունեց Հայոց ցեղասպանության ժխտման համար քրեական պատասխանատվություն ենթադրող օրինագիծը: Այն պետք է այնուհետ քննարկվեր նաեւ Սենատում, բայց առ այսօր դա չի կատարվել: Շնորհիվ Wikileaks-ի բացահայտումների` հայտնի է դարձել, որ նախագահ Սարկոզին հավաստիացրել է թուրքական իշխանություններին, որ տեքստը «կմեռնի Սենատում»: NEWS.am | |
|
| |
| Всего комментариев: 0 | |
