Կարծում եմ հայ-թուրքական հարաբերությունների կարգավորման իմաստով դեռևս անելիքներ են մնացել` հարցը վերջնականապես հանգուցալուծելու համար:
Այս մասին երեկ հայտարարեց Հայաստանում Գերմանիայի արտակարգ և լիազոր դեսպան Հանս-Յոխեն Շմիդտը` Գերմանիայի Դաշնային Հանրապետության վերամիավորման 20-ամյակի առթիվ կազմակերպված ընդունելության ժամանակ, որին ներկա էին Հայաստանի բազմաթիվ բարձրաստիճան այրեր` վարչապետ Տիգրան Սարգսյանի գլխավորությամբ:
Դեսպանը շեշտեց, թե կցանկանար տոնի առթիվ ուրախությամբ ներկաներին տեղեկացնել, որ հայ-թուրքական սահմանը բացվել է, սակայն հասկանում է, որ խնդիրը նաև իր հանգուցալուծումը չի գտել Եվրոպայի ներսում` Արևմուտք- Արևելք երկար տարիներ տևած հակամարտության կոնտեքստում: Այնպես որ դրան դեռ ժամանակ կա: