Բողոքի ցոյց Օթթաուայի ատրպէյճանական դեսպանատան առջեւ - 23 Февраля 2011 - ՀԱՄԱԽՄԲՈՒՄ
Вы вошли как Гость • ԽՈՒՄԲ "Гости"ՀԱՅՐՈՒՆԱԿԱՆ ՈՂՋՈՒՅՆ Гость • ԻՄ ԷՋԸ • ԳՐԱՆՑՎԵԼ • ԵԼՔ • ՄՈՒՏՔ • RSS
ՀԻՆԳՇԱԲԹԻ, 8.12.2016
                                                                                                                                                                           

Главная » 2011 » ՓԵՏՐՎԱՐ » 23 » Բողոքի ցոյց Օթթաուայի ատրպէյճանական դեսպանատան առջեւ
13:41
Բողոքի ցոյց Օթթաուայի ատրպէյճանական դեսպանատան առջեւ
   Փետրուար 22-ին, գանատահայ երիտասարդութիւնը իր ցասման եւ բողոքի ձայնը բարձրացուց Օթթաուայի Ատրպէյճանական դեսպանատան դիմաց, դատապարտելով հայութեան դէմ գործադրուած ատրպէյճանական ոճիրներու շարանը: Բողոքի ցոյցը կազմակերպուած էր Հայ յեղափոխական դաշնակցութեան (ՀՅԴ) Գանատայի երիտասարդական միութեան եւ ՀՅԴ ,Արմէն Գարօե ուսանողական միութեան կողմէ, որոնց անդամներուն միացած էին ՀՕՄ-ի Թորոնթոյի ամենօրեայ վարժարանի եւ Մոնթրէալի Ս. Յակոբ Ազգային վարժարանի երկրորդական բաժիններէն աշակերտներ, ինչպէս նաեւ Գէմպրիճէն եւ Օթթաուայէն ուսանողներ:

Ոստիկանութեանութեան հսկողութեան տակ, 300 ցուցարարները անցորդ քաղաքացիներուն բաժնեցին հազարաւոր ծանուցաթերթեր, որոնք մանրամասն տեղեկութիւններ կը փոխանցէին Պաքուի, Սումկայիթի եւ Մարաղայի մէջ հայութեան դէմ գործադրուած ատրպէյճանական ոճիրներուն մասին: Հայ երիտասարներու կողքին էին հայութեան դատի պաշտպան գանատացի քաղաքական դէմքեր, որոնց շարքին` Գանատայի Խորհրդարանի անդամ պրն. Ճիմ Գարիճիանիս, խորհրդարանի անդամ տիկ. Նիքոլ Տեմէրս եւ Օնթարիոյի նահանգային խորհրդարանի նախկին նախագահ Տէյվիտ Ուորնըր: Քաղաքական այս երեք անձնաւորութիւնները բեմահարթակէն իրենց զօրակցութիւնը յայտնեցին Արցախի ժողովուրդին եւ համայն հայութեան եւ խստօրէն դատապարտեցին հայութեան դէմ ի գործ դրուած ատրպէյճանական ոճիրները եւ ատրպէյճանցի զինուորներու կողմէ Հին Ջուղայի հայկական պատմամշակութային անկրկնելի արժէք ներկայացնող բազմահարիւր հնադարեան խաչքարերու աւերումն ու ջարդը:

Ատրպէյճանական հայասպանութեան արարքները դատապարտող անատահայ երիտասարդութեան անունով գրուած բողոքի նամակը մերժուեցաւ ատրպէյճանական դեսպանատան կողմէ: 

Բողոքի պաստառներուն վրայ գրուած էին ,Մի ժխտէք ձեր ոճիրներըե, ,Ազերիներն են պատասխանատուն Խոջալուի ջարդինե, ,Երբեք պիտի չմոռնանք Պաքուի եւ Սումկայիթի հայ անմեղ զոհերըե: Պարզուած էին նաեւ խաչքարերու լայնածաւալ պաստառներ:

Երիտասարդութեան խօսքը փոխանցեց ՀՅԴ Գանատայի երիտասարդական միութեան ատենապետ Յարութիւն Մանուկեան, որ գնահատեց հարիւրաւոր երիտասարդներու հայրենասիրութիւնը, որոնք իրենց առօրեայ աշխատանքները թողած արձագանգած էին գանատահայ երիտասարդութեան կոչին եւ մասնակից դարձած բողոքի ցոյցին: Ան շեշտեց, որ անատահայ երիտասարդութիւնը յանձնառու կը մնայ Հայ Դատի պայքարին նկատմամբ: Բողոքի այս ցոյցին անդրադարձան անատայի պետական ռատիոկայանը` CBC radio, Embassy Magazine, A-tv հեռուստակայանը եւ Ottawa Sun ու Ottawa Citizen օրաթերթերը:

Ոստիկանութիւնը իր գոհունակութիւնը յայտնեց ցոյցը կազմակերպող մարմնի ներկայացուցիչներուն, առանց օրինախախտումներու երկու ժամ տեւողութեամբ ցոյց կատարելու առիթով:

Ատրպէյճանական դեսպանատան ուղղուած նամակը ստորագրած էին հետեւեալ գանատահայ երիտասարդական ուսանողական կազմակերպութիւնները.

Armen Karo Student Association Armenian Youth Federation of Canada Armenian National Committee of Canada Armenian General Benevolent Union Young Professionals of Montreal Armenian Student Association at Ryerson University Armenian Student Association of Ottawa Armenian Student Association of the University of Toronto Scarborough Armenian Students» Association at York University Armenian Students» Association of McMaster University Concordia University Armenian Students» Association McGill Armenian Students» Association Universite de Montreal Armenian Students» Association University of Waterloo Armenian Students» Association Armenian Students» Association of the University of Toronto - St. George Campus

«ՀՈՐԻԶՈՆ» 
Просмотров: 162 | Добавил: hayruni88 | Рейтинг: 0.0/0
Всего комментариев: 0
ԱՆՈՒՆ *:
Է-mail:
Ծածկագիր *: