12:23 Աստանայում հանդիպել են Սերժ Սարգսյանն ու Աբդուլլահ Գյուլը | |
«Ես հանդիպում եմ ունեցել Հայաստանի նախագահ Սերժ Սարգսյանի հետ»։ Այս մասին, Anadolu գործակալության փոխանցմամբ, Աստանայում թուրք լրագրողների հետ հանդիպման ժամանակ ասել է Թուրքիայի նախագահ Աբդուլլահ Գյուլը՝ նշելով, որ ինքն ու Սերժ Սարգսյանը հանդիպման ժամանակ հետաքրքրվել են միմյանց առողջությամբ։Թուրք լրագրողների հետ հանդիպման ժամանակ Գյուլն անդրադարձել է նաև ԵԱՀԿ գագաթնաժողովի շրջանակում ՌԴ նախագահ Դմիտրի Մեդվեդևի հետ ունեցած հանդիպմանը և տեղեկացրել, որ հանդիպման ժամանակ մասնավորապես քննարկվել է Կովկասում առկա իրավիճակը։Ընդգծելով, որ Կովկասում առկա խնդիրների կարգավորման հարցում Ռուսաստանն ունի ամենակարևոր դերակատարությունը, Թուրքիայի նախագահը հայտարարել է, որ ներկայիս իրավիճակը չի բխում ոչ Հայաստանի, ոչ Թուրքիայի, ոչ Ռուսաստանի և ոչ էլ Ադրբեջանի շահերից։Անդրադառնալով հայ–թուրքական հարաբերություններին՝ Թուրքիայի նախագահը հայտարարել է, որ իրենք շարունակում են աշխատանքներն այդ ուղղությամբ.«Ոչինչ էլ չի մահացել։ Մենք վճռական ենք։ Դժվար խնդիրները մեկ քայլով չեն լուծվում։ Անհրաժեշտ է համառորեն աշխատել։ Մենք էլ աշխատում ենք»,– ասել է Գյուլը։
Tert.am | |
|
Всего комментариев: 0 | |