21:36 ANCA-ն ԱՄՆ Կոնգրեսին առաջարկում է օգնություն տրամադրել Հայաստանին եւ Ղարաբաղին 80 մլն դոլարի չափով | |
Ամերիկայի հայկական ազգային կոմիտեն (ANCA) ԱՄՆ Ներկայացուցիչների պալատի հանձնաժողովին ուղղված դիմումում ներկայացրել է հայ հմայնքի համար առաջնահերթ խնդիրները: Մասնավորապես, նշվել է, որ ամերկահայ համայնքի համար առաջնահերթ է ԱՄՆ-Հայաստան հարաբերությունների ընդլայնմանը եւ Հարավային Կովկասում կայունության ամրապնդմանն ուղղված խնդիրները, հաղորդում է Asbarez-ը: ANCA-ի կառավարության գործերի տնօրեն Քեյթ Նահապետյանը Ներկայացուցիչների պալատի հանձնաժողովում իր ելույթի ժամանակ առաջարկել է 2012 ֆինանսական տարում օտար երկրներին օգնություն տրամադրելու հարցում հաշվի առնել ANCA-ի դիրքորոշումները: Նահապետյանը նշել է, որ «ԱՄՆ-ը եւ Հայաստանի կառավարությունը մշտապես ընդլայնում են իրենց հարաբերությունները` հիմնվելով ընդհանուր պատմության, արժեքների, ընդհանուր շահերի եւ Կովկասում կայունության ապահովման համար: Համագործակցությունը ամրացնելու համար նա առաջարկել է մի շարք գործնական միջոցներ. 1.Առնվազն 60 մլն դոլար հատկացնել` Հայաստանի տնտեսության աջակցման համար: 2. Առնվազն 10 մլն դոլար հատկացնել` Լեռնային Ղարաբաղի զարգացման համար 3. Ամրապնդել Ազատության աջակցության եւ Հայաստանին ու Ադրբեջանին ռազմական օգնության հարցում հավասարակշռությունը պահպանելու մասին 907-րդ փոփոխությունը 4. Հեռացնել խոչընդոտները ԱՄՆ-ի եւ ԼՂ-ի միջեւ շփումների ու կապերի ճանապարհին 5. Աջակցել Լեռնային Ղարաբաղի դիրքերի վերականգնմանը` ԵԱՀԿ Մինսկի խմբի խաղաղ կարգավորման գործընթացում 6. Առնվազն 10 մլն դոլար հատկացնել Հայաստանին` որպես ռազմական օգնություն: news.am | |
|
Всего комментариев: 0 | |