15:26 Ադրբեջանում վախենոււմ են «ժողովրդավարություն», «մարդու իրավունքներ», «օրինականություն» արտահայտություններից | |
Չգրանցված ոչ կառավարական կազմակերպությունների կոորդինացնող ցանցը, որը միավորում է 37 հասարակական կառույցի, նախատեսել է օգոստոսի 10-ին, արդարադատության նախարարության դիմաց բողոքի ակցիա կազմակերպել: Ակցիա անցկացնելու պատճառը՝ արդարադատության նախարարության կողմից, անհիմն կերպով, ոչ կառավարական կազմակերպություններին գրանցելու խնդիրն է: Այս մասին, «Թուրան» լրատվական գործակալության հետ զրույցում նշել է Ժողովրդավարական բարեփոխումների միության ղեկավար Օքթայ Գյուլալիևը: «Չգրանցված ոչ կառավարական կազմակերպությունները՝ Ադրբեջանի քաղաքացիական հասարակության ամենամեծ խնդիրներից են: Կան ոչ կառավարական կազմակերպություններ, որոնք գրանցման համար, արդեն իսկ 40 անգամ դիմել են նախարարությանը, սակայն մերժվել են: Մեր կազմակերպությունն արդեն 11 տարի առանց գրանցման է գործում»,- ասել է Գյուլալիևը: Նա նշել է, որ արդարադատության նախարարության՝ ոչ կառավարական կազմակերպություններին մերժելու հիմնավորումները աբսուրդի են հասնում, նամանավանդ, եթե հաշվի առնենք այն փաստը, որ նախարարությունը ամեն շաբաթ փոխում է իր պահանջները: Գյուլալիևը համոզված է, որ արդարադատության նախարարության պահվածքը քաղաքական աստառ է պարունակում, քանի որ մերժվում են այն կազմակերպությունները, որոնց անվան մեջ «ժողովրդավարություն», «մարդու իրավունքներ», «օրինականություն» բառեր են պարունակվում: Նրա խոսքերով, նմանատիպ կազմակերպություններից պահանջում են անվանափոխություն կատարել: «Սակայն դա սահմանադրական իրավունքի և քաղաքացիների ազատության խախտում է»,- ասել է Գյուլալիևը: Վերջինս նաև նշել է, թե դատարանները նախարարության են պաշտպանում և չեն բավարարում կազմակերպությունների հայցերը: Նրա խոսքերով, գործը հասել է նրան, որ Մարդու իրավունքների եվրոպական դատարանը վճիռ է կայացրել, ըստ որի՝ ոչ կառավարական կազմակերպություններին մերժելն անհիմն է եղել, սակայն դրա արդյունքում միայն մի քանի կազմակերպությունների հարցն է կարգավորվել: Գյուլալիևը կարծում , որ արդարադատության նախարարությունը պետք է վերջ դնի երկիրը խայտառակող մերժման պրակտիկային: Աղբյուր` Panorama.am | |
|
Всего комментариев: 1 | |
|