ՀԱՄԱԽՄԲՈՒՄ

Թուրքական Cihan գործակալության փոխանցմամբ` ադրբեջանցիները հարյուրավոր նամակներ են ուղարկել WTM-ի ներկայացուցիչներին, որոնցում նշում են, թե իբր «Լեռնային Ղարաբաղը օկուպացվել է հայկական ուժերի կողմից և մինչև օրս գտնվում է Հայաստանի վերահսկողության տակ»: Բացի այդ, ադրբեջանցիներն իրենց էլեկտրոնային նամակներում զգուշացրել են Մեծ Բրիտանիայի և Միացյալ Նահանգների քաղաքացիներին չայցելել Լեռնային Ղարաբաղ:

Ադրբեջանցիները ցուցահանդեսին որպես անկախ պետություն Լեռնային Ղարաբաղի մասնակցությունը ձախողելու համար դիմել են լոնդոնաբնակ թուրքերին, որոնք, Cihan-ի բնորոշմամբ, բավական մեծ ազդեցություն ունեն Մեծ Բրիտանիայում:

Հիշեցնենք, որ 2009թ. նոյեմբերի 11-12-ը Հայաստանը և Լեռնային Ղարաբաղը մասնակցել են World Travel Market-ին առանձին տաղավարներով: