00:57 Հայկական կոխը` ձմեռային Վարդենիսում (լուսանկարներ) | |
 «Վարդենիսի ձմեռ 2011» մարզամշակութային միջոցառմանը մասնակցեցին ոչ միայն Վարդենիսի, այլև հարակից գյուղական համայնքների բնակիչներ, դպրոցահասակ երեխաներ, Սոթքի զորամասի հետախուզական վաշտի զինվորներ, հրշեջ-փրկարարական ջոկատի, ոստիկանության աշխատակիցներ և ուրիշներ: Մրցումների գլխավոր մրցավար Արմեն Սիմոնյանի խոսքով, միջոցառմանը մասնակցելու համար հայտագրվել էր ավելի քան 250 մարզասեր: Վերջիներս իրենց ուժերը փորձեցին տարբեր մարզաձևերում`դահուկավազք, պարանի ձգում, կշռաքարի բարձրացում, պարկացատկ, բազկամարտ, հայկական կոխ: Մարզամշակութային միջոցառումները մեծ ոգևորություն էին առաջացնում հատկապես դպրոցահասակների շրջանում: Սոթքի զորամասի զինվորներն աչքի ընկան հայկական կոխ` ըմբշամարտ, դահուկավազք և կշռաքարի բարձրացում մարզաձևերում: Բազկամարտում հաղթող ճանաչվեց Վարդենիսի բնակիչ Տիգրան Առաքելյանը: Պարանի ձգում վարժության առաջին մրցանակակիրներն էլ Վարդենիսի հրշեջ-փրկարարական ջոկատի աշխատակիցներն էին: Մրցաշարում առաջին, երկրորդ և երրորդ տեղերն զբաղեցրած մասնակիցներին Վարդենիսի քաղաքապետարանի կողմից խրախուսական նվերներ հանձնվեցին:    1in.am
| |
|
| |
| Всего комментариев: 0 | |
