Թուրքիայի
իրավապահ մարմինները ձերբակալել են հայկական գերեզմանատանը գանձեր որոնող
երկու թուրքի:
Cihan («Ջիհան») գործակալության փոխանցմամբ` 61-ամյա Ա.Ի.-ին և 36-ամյա
Ա.Ի.-ին ձերբակալել են Սաքարիայի Սողութլու շրջանում գտնվող հայկական և
հունական գերեզմանատանը փորելու պահին։
Դեպքի առնչությամբ իրականացվում է հետաքննություն:
Նշենք, որ սա առաջին դեպքը չէ, երբ գանձեր որոնողները Թուրքիայում
պղծում են հայկական գերեզմանները։
Այս տարվա ապրիլին գանձեր որոնողներն ակտիվ աշխատանքներ էին սկսել
Մալաթիայի Քիլթեփե թաղամասում գտնվող հայկական գերեզմանոցում:
Գերեզմանատան տնօրինությունն ահազանգել էր, որ գերեզմանատնով մեկ
թունելներ են փորված: