10:38 Մխիթարյանը հիանալի գոլ խփեց և 2 արդյունավետ փոխանցում կատարեց |
Դոնեցկի "Շախտյորը" վստահ հաղթանակով սկսեց ելույթները Ուկրաինայի գավաթի խաղարկությունում: Առաջին փուլում Հենրիխ Մխիթարյանի թիմը սեփական հարկի տակ 6:0 հաշվով ջախջախեց "Կրիվբասին": Նախորդ խաղի համեմատ, "Շախտյորի" հիմնական կազմում լուրջ փոփոխություններ էին տեղի ունեցել. կրկին հիմնական կազմում էին միայն Մարսելո Մորենոն և Հայաստանի հավաքականի կիսապաշտպանը: Այս խաղում Հենրիխ Մխիթարյանն իր 2-րդ գնդակը խփեց "հանքափորների" կազմում. 34-րդ րոպեին Մորենոն 2-րդ հարկում հաջող պայքարեց և գնդակը հայտնվեց Հենոյի մոտ, ով անմիջապես գնդակը ուղարկեց հյուրերի դարպասի "իննյակը"' կրկնապատկելով հաշվի տարբերությունը: Մխիթարյանն այս խաղում նաև 2 գոլային փոխանցում կատարեց, իսկ 70-րդ րոպեին մոտ էր դուբլ ձևակերպելուն, սակայն 15 մետրից նրա կատարած հարվածից հետո հյուրերի դարպասապահ Շտանկոն հրաշքով ետ մղեց գնդակը: Պատահական չէ, որ հայ ֆուտբոլիստը ճանաչվեց հանդիպման լավագույն խաղացող: armsport.am
|
|
|
| Всего комментариев: 0 | |
